Pavlodar oblysynda 6 baǵytta joldar jabylyp, polıtsııa beketteri qoıyldy

PAVLODAR. KAZINFORM - Qazirgi ýaqytta Astanaǵa aparatyn avtobannyń Shiderti kenti mańynda tehnıkanyń jınalýy baıqalady. Shamamen 324 birlik tehnıka, 544 adam turyp qaldy.

Aýa raıynyń nasharlaýyna baılanysty Pavlodarda 6 baǵyt boıynsha joldar jabyldy.

Joldarǵa polıtsııa beketteri qoıylyp, avtokóliktiń barlyq túri júrýge shekteldi.

- Aqmola jáne Qaraǵandy oblystarynda aýa raıynyń nasharlaýyna baılanysty alty baǵyt boıynsha avtojoldar jabyq. Tótenshe jaǵdaılar departamentimen arnaıy joǵary ótimdi tehnıka, vahtovka, kezekshi qyzmetkerler qoıyldy. Jolǵa shyqqan azamattarmen birlesken túsindirý jumystary júrgizilip jatyr. Qazirgi ýaqytta Shiderti kentinde tehnıkanyń jınalýy baıqalady. Shamamen 324 birlik tehnıka, 544 adam turyp qaldy,-dep habarlady óńirlik tótenshe jaǵdaılar departamentinen.

Shiderti kentinde turyp qalǵan jolaýshylarǵa Ekibastuz qalasynyń ákimdigi jáne eriktiler ystyq tamaq uıymdastyrǵan. Kentte 3 jylytý pýnkti daıyndaldy. 

Departamenttiń málimetinshe, oblys boıynsha barlyǵy 189 jylytý pýnkti bar. 

Pavlodar oblysynyń tótenshe jaǵdaılar departamenti azamattarǵa avtokólikpen alys saparlarǵa shyǵýdan bas tartýdy usynady.

Eske sala keteıik, Shyǵys Qazaqstanda 4 jol jabyldy.