Pavlodar oblysynda 53 jeke sot oryndaýshysy 535,6 mln teńge kirisin jasyrǵan
ASTANA. KAZINFORM- Pavlodar oblysynyń prokýratýrasy 73 jeke sot oryndaýshysynyń kiristerin jasyrǵanyn anyqtady. Tekserý nátıjesinde 53 jeke sot oryndaýshysynyń kórsetilmegen kiristeri bolǵany málim boldy.
Pavlodar oblystyq prokýratýrasy baspasóz qyzmetiniń habarlaýynsha, salyq tártibine júrgizilgen taldaý barysynda anyqtalǵan buzýshylyqtar boıynsha prokýratýra aralasqannan keıin 535,6 mln teńge kiris erikti túrde deklaratsııalandy.
Kameraldyq baqylaý nátıjesinde bıýdjetke 53 mln teńgeden astam jeke tabys salyǵy eseptelip, tólendi.
Sonymen qatar salyqtardy ýaqtyly tólemegeni úshin 10,2 mln teńge ósimpul óndirildi.
Salyq mindettemeleriniń tolyq ári ýaqtyly oryndalýyn qamtamasyz etý boıynsha jumys jalǵasyp jatyr.
-Anyqtalǵan buzýshylyqtardy joımaǵan jeke sot oryndaýshylaryna qatysty salyqtyq tekserýler júrgizý máselesi qaralyp jatyr,-delingen habarlamada.
Osyǵan deıin Astanada jyl basynan beri 4 jeke sot oryndaýshysy lıtsenzııasynan aıyrylǵany týraly jazdyq.
