Pavlodar oblysynda 500-ge jýyq synyptyń oqýshylary qashyqtan bilim alyp jatyr

PAVLODAR. KAZINFORM — Qazirgi ýaqytta oblys boıynsha oqýshylardyń 16,8%-y tumaý aýrýlaryna shaldyqqan nemese sýyq tıdirgen.

Pavlodar oblystyq bilim berý basqarmasy óńir mektepterindegi epıdemıologııalyq ahýal týraly kezekti aqparatpen bólisti. Basqarma málimetinshe, qazirgi ýaqytta 78 mekteptiń keıbir synyptary úıden bilim alyp jatyr.

— Búgingi kúni 78 mektepten jalpy sany 479 synyptyń oqýshylary qashyqtan bilim alýǵa kóshirilgen. Qashyqtan oqytý formatyna aýysqandardyń basym bóligi Pavlodar qalasynda (248 synyp). Al Ekibastuz qalasynda — 68, Aqsý qalasynda — 45, Baıanaýyl aýdanynda — 25, Jelezın aýdanynda — 8, Tereńkólde — 10, Ýspende — 30, Pavlodar aýdanynda — 29, al mamandandyrylǵan bilim uıymdarynda 16 synyptyń oqýshylary úıden oqyp jatyr, — dep habarlady óńirlik bilim berý basqarmasynan.

Buǵan deıin Pavlodar óńiri boıynsha 150 synyptyń oqýshylary qashyqtan oqýǵa kóshirilgenin jazǵanbyz.