Pavlodar oblysynda 49 myń gektarǵa jýyq alqap shegirtkege qarsy óńdeledi
PAVLODAR. KAZINFORM — Hımııalyq óńdeý jumystary óńirdegi barlyq 10 aýdanda, sondaı-aq Pavlodar, Ekibastuz jáne Aqsý qalalarynyń aýyldyq aımaqtarynda josparlanǵan.
Agroónerkásiptik keshendegi oblystyq aýmaqtyq ınspektsııanyń basshysy Arman Shúıkenovtiń aıtýynsha, bıyl ıtalııalyq prýsqa qarsy óńdeý jumystarymen shamamen 12,8 myń gektar alqap qamtylady. Bul ótken jylmen salystyrǵanda 1,5 esege az. ıAǵnı bıyl zııankester sanynyń tabıǵı bıologııalyq tómendeýi baıqalyp otyr.
— Monıtorıng nátıjesinde 23,8 myń gektar alqapta shegirtke anyqtaldy. Onyń ishinde 6,2 myń gektary hımııalyq óńdeýge jatatyn jerler qataryna jatqyzyldy. Búgingi tańda bul jerler tolyǵymen óńdeldi. Eń aýqymdy jumystar Baıanaýyl, Maı jáne Aqqýly aýdandarynda, sondaı-aq Aqsý qalasynyń aýyldyq aımaǵynda júrgizildi, — dep atap ótti ol.
Úıirli emes shegirtke túrlerine qarsy da aýqymdy jumystar atqarylyp jatyr Óńdeý jumystary jergilikti bıýdjet qarajaty esebinen 36 myń gektardan sál asatyn alqapta júrgizilýde. Búgingi tańda 31 myń gektary óńdeldi. Aqtoǵaı, Pavlodar jáne Ýspen aýdandarynda, sondaı-aq Pavlodar jáne Ekibastuz qalalarynyń aýyldyq aımaqtarynda óńdeý jumystary tolyq aıaqtalǵan.
Eske sala keteıik, ǵalymdar shegirtkege qarsy hımıkattarǵa balama bıopreparat ázirledi.
