Pavlodar oblysynda 33 aýyl mektebi Starlink ınternet jelisine qosylady
PAVLODAR. KAZINFORM — Pılottyq joba boıynsha keler jyly 33 bilim uıasyn spýtnıktik jelige jalǵaý kózdelip otyr. Bastapqy sátte geografııalyq turǵydan qolaısyz ornalasqan shalǵaı eldi mekender qamtylady.
Óńirlik bilim jáne tsıfrlyq tehnologııalar basqarmalary 2025 jyly aýyldyq mektepterdegi ǵalamtor jyldamdyǵyn aıtarlyqtaı arttyrýdy kózdeıtin joba ázirledi.
Onyń aıasynda Ilona Masktyń Starlink spýtnıktik ınternetine 33 bilim mekemesin qosý josparlanǵan.
Nátıjesinde mektepterdegi ǵalamtor jyldamdaǵy sekýndyna 100-200 megabıtke deıin ulǵaıady.
Baıanaýyl aýdanynyń aýmaǵyndaǵy kóp jerler taýly-tasty bolýyna oraı, optıkalyq jelini tartý múmkin.
Sondyqtan osy aýmaqtaǵy bilim uıalary kóbirek qamtylmaq.
Oblysta taǵy 77 mektepke «Qoljetimdi ınternet» baǵdarlamasy boıynsha optıkalyq talshyqty jeli tartylady dep kútilip otyr.
