Pavlodar oblysynda 30 myńnan asa kıik bar

PAVLODAR. KAZINFORM — Ańshylyq sharýashylyqtardyń málimetteri boıynsha óńirdegi barlyq jabaıy janýardyń jalpy sany 833 myńnan asady. 

Ertis-Baıan óńirinde aqbókenderdiń maýsymdyq kóshi-qony baıqalyp otyr.

— Oblysta jalpy aýmaǵy 9 mln gektardan astam alqapta 36 ańshylyq sharýashylyǵy bar. Bul jerlerde sırek kezdesetin jáne joǵalyp ketý qaýpi bar tuıaqty jabaıy janýar — kıikterdiń maýsymdyq kóship-qonýy baıqalady. Kıikterdiń sany shamamen 30 myńnan asady jáne olar jyl ótken saıyn kóbeıip keledi. Janýarlar Baıanaýyl aýdanynyń Qaraǵandy oblysymen shekaralas jerlerin jáne Maı aýdanyn mekendeıdi. Kıikti atýǵa ruqsat joq. Qazirgi ýaqytta tek sibir eligi, qaban, baıbaq sýyry, aq qoıan, sur qoıan, túlki, qarsaq, borsyq, úırekter men qazdardyń barlyq túrine, sur kekilik, qasqaldaq, bódene, qumsalǵysh, kógershin, qaraquıryqtarǵa ańshylyq jasaýǵa bolady, — dep habarlady Kazinform tilshisine Orman sharýashylyǵy jáne janýarlar dúnıesi aýmaqtyq ınspektsııasynyń bólim basshysy Dıas Qabdolla.

Pavlodar oblysynda sırek kezdesetin jáne joǵalyp ketý qaýpi bar janýarlardyń 16 túri mekendeıdi. Olar — taý arqary, orman sýsary, qara degelek, aq bas tyrna, taztyrna, bezgeldek, qarabas ógiz shaǵala, suńqyldaq aqqý, balyqshy tuıǵyn, dala qyrany, qaraqus, búrkit, aqıyq sýbúrkit, aq quıryqty sýbúrkit, ıtelgi, úki, sýsary. Bulardy jalpy sany 2200-den asady. Onyń shamamen 771-i — arqarlar.

Eske sala keteıik, Baıanaýyl ulttyq parkinde bulan kóbeıe túsken. 

Ertis boıy orman sharýashylyqtarynyń órtke qarsy áleýeti álsiz.