Pavlodar oblysynda 3 jasar qyzdyń ólimine ákesine kúdik keltirilip otyr

PAVLODAR. KAZINFORM – Medıtsına mamandarynyń habarlaýynsha, sábı aýrýhanaǵa bassúıeginiń aýyr jaraqatymen túsip, artynan kóz jumǵan.

Pavlodar oblystyq densaýlyq saqtaý basqarmasynyń habarlaýynsha, 3 jasar qyz aýrýhanaǵa aýyr jaǵdaıda túsken. Dárigerler teksere kele onyń basynan, denesinen aýyr jaraqattar alǵanyn anyqtaǵan. Oǵan júrgizilgen reanımatsııalyq sharalar nátıje bermegen, sóıtip sábı alǵan jaraqattarynan kóz jumdy.

-Atalǵan qylmysty jasaýy múmkin kúdikti retinde onyń ákesi ustalyp, sot sanktsııasymen qamaýǵa alyndy. Oqıǵanyń mán-jaıy tergeý barysynda anyqtalady,-dep habarlady Pavlodar oblystyq polıtsııa departamentinen.

Osyǵan deıin Pavlodar oblysynda onkologııamen aýyratyndar sany azaıyp kele jatqany týraly jazdyq.