Pavlodar oblysynda 2 myńǵa jýyq mal ıesi jaýapkershilikke tartyldy
PAVLODAR. KAZINFORM - Ertis-Baıan óńiriniń polıtseıleri qaraýsyz jaıylatyn úı janýarlary jol-kólik apattaryna jıi sebepshi bolatynyn eskertip otyr. Jaıylym erejelerin saqtamaǵan mal ıelerine qomaqty aıyppul salynady.
QR Ákimshilik quqyq buzýshylyq týraly Kodekstiń 408-babyna súıensek, jaıylym erejelerin saqtamaǵan turǵyndarǵa 3 aılyq eseptik kórsetkish mólsherinde aıyppul salynady. Al baǵýsyz maldyń kesirinen jeke tulǵalardyń múlkine shyǵyn keltirilse, aıyppul mólsheri 10 aılyq eseptik kórsetkishke deıin ósedi.
Mal ıeleri osyndaı jaýapkershiliktiń baryn bilse de, kóp jaǵdaıda tórt túligin qaraýsyz qoıa beredi.
«Qaraýsyz jaıylǵan jáne jol boıynda júrgen úı janýarlary bizdiń óńirdegi ózekti máselelerdiń biri. Janýarlar kúndiz de, túnde de joldarda kedergisiz júredi. Máselen polıtsııaǵa Rebrov aýylynyń janyndaǵy Rýsskaıa Polıana-Atameken avtojolynyń júris bóliginde jylqylardyń ıesiz júrgeni, saldarynan apattyq jaǵdaı týǵyzǵany týraly habarlama kelip tústi. Polıtsııa jylqylarjyń ıesin anyqtap, jaýapqa tartty. Mal aıyppul turaǵyna aıdaldy», — dep habarlady Pavlodar oblysynyń polıtsııa departamenti.
Jyl basynan tártip saqshylary jaıylym erejelerin saqtamaǵan 1924 turǵyndy jaýapqa tartqan.
Eske sala keteıik, Qazaqstanda jyl basynan beri jol apatynan 2077 adam mert boldy.
