Pavlodar oblysynda 168-shi «Aýyl qutqarýshylary» beketi iske qosyldy
ASTANA. KAZINFORM — Tótenshe jaǵdaılar mınıstri general-leıtenant Shyńǵys Árinov Pavlodar oblysy Ekibastuz aýdanynyń Qarasor aýylynda 168-shi «Aýyl qutqarýshylary» beketin ashty, dep habarlaıdy vedomstvonyń baspasóz qyzmeti.
Joba elimizdiń barlyq óńirinde júzege asyrylyp, aýyldyq aýmaqtardy qorǵaý júıesiniń mańyzdy bóligine aınaldy.
Ashylý rásiminde sóz sóılegen vedomstvo basshysy aýyldyq eldi mekenderdiń qaýipsizdigin qamtamasyz etý mınıstrliktiń basym baǵyttarynyń biri ekenin atap ótti.
Onyń aıtýynsha aýyldyq jerlerde «Aýyl qutqarýshylary» jelisin damytý tótenshe jaǵdaılarǵa áreket etý ýaqytyn edáýir qysqartyp, aýyl turǵyndarynyń qaýipsizdik deńgeıin arttyrýǵa múmkindik beredi.
— Bul «Aýyl qutqarýshylary» baǵdarlamasy aıasynda óńirde qurylǵan jetinshi beket. Ol Qarasor, Qudaıkól jáne Qulakól atty úsh eldi mekenniń jedel órtke qarsy qorǵalýyn qamtamasyz etedi, onda shamamen 900 adam turady. Endi kómek burynǵydan da jaqyn bolyp, áreket etý ýaqyty jedeldeı túsedi, — delingen habarlamada.
Eriktiler táýlik boıy jaýyngerlik kezekshilik atqarady.
Bólimshe barlyq qajetti quralmen tolyq jaraqtalǵan: zamanaýı avtotsısterna, órt-tehnıkalyq jabdyqtar, jaýyngerlik kıim-keshek jáne baılanys quraldary. Turmystyq aımaqtar men demalys úı-jaılary qarastyrylǵan.
Budan buryn elimizde 163-shi «Aýyl qutqarýshylary» erikti órt sóndirý pýnkti ashylǵanyn jazǵanbyz.
