Pavlodar oblysynda 16 aýyl áli de jaryqsyz otyr

Keshe túnde bolǵan surapyl daýyl Pavlodar oblysyndaǵy 117 aýyldy jaryqsyz qaldyrdy. Jóndeý brıgadalary qazirge deıin 101 eldi mekendi elektrmen qamtamasyz etip úlgerdi, dep habarlaıdy Kazinform.

Óńirde qazirgi ýaqytta 65 jóndeý brıgadasy kúsheıtilgen rejımde jumys istep jatyr, olar 8543 tutynýshyny jaryq kózine qosty. Saǵat 15.00-degi málimet boıynsha 16 aýyldaǵy 930 abonent elektr energııasymen áli de qamtylmaǵan.

Pavlodar oblysy ákiminiń baspasóz qyzmeti habarlaǵandaı, Aqsý aýyldyq aımaǵy men Baıanaýyl aýdanynyń árqaısysynda - 5, Pavlodar men Aqqýly aýdandarynda – 2, Aqtoǵaı men Ertis aýdandarynda – 2 aýyl jaryq kózine qosylǵan joq.

Eske salyp óteıik, keshe túnde sekýndyna 37 metr jyldamdyqpen daýyl soǵyp, Pavlodar oblysy boıynsha 10 aýdanda jaryq óship qaldy.

Jeldiń ekpinine shydamaı Pavlodar qalasynda 52 mln teńgeniń shyrshasy qulap qaldy.