Pavlodar oblysynda 14 jyl burynǵy qylmys DNQ saraptamasy arqyly ashyldy
ASTANA. KAZINFORM – Pavlodar oblysynda 14 jyl burynǵy bolǵan qylmys DNQ saraptamasy arqyly ashyldy, — dep habarlady Polisia.kz.
Qazaqstannyń jańa Konstıtýtsııasynda adam, onyń ómiri, quqyqtary men bostandyqtary memlekettiń eń joǵary qundylyǵy retinde belgilengen. Polıtsııa úshin basty mindet – shyndyqty anyqtaý jáne qylmys jasaǵan adamdy jaýapkershilikke tartý.
Qylmys buryn jasalǵanyna qaramastan, bul jumys toqtamaıdy. Ótken jyldardaǵy qylmystardy ashýda zamanaýı krımınalıstıkanyń múmkindikteri tıimdi. Mysaly, Pavlodar oblysynda 14 jyl buryn jasalǵan qylmys ashyldy.
2012 jyly baý-baqsha qoǵamdastyǵynyń aýmaǵynda 62 jastaǵy áıel zorlanyp, óltirilgen. Sol kezde qylmyskerdi anyqtaý múmkin bolmady. Biraq isti ashý boıynsha jumys jalǵasty.
Jedel qyzmetkerler men krımınalıster isti qaıta zerdeledi. Tekserý nátıjesinde kúdikti anyqtaldy. Ol 1964 jyly týǵan, buryn sottalǵan er adam bolyp shyqty. DNQ saraptamasy onyń qylmysqa qatysy bar ekenin rastady. Er adam kinásin moıyndady. Ol ustalyp, sot sanktsııasymen qamaýǵa alyndy.
Polıtsııa ótken jyldardaǵy qylmystar ashý boıynsha jumysty jalǵastyrady. Qylmys jasaǵan adam zań aldynda jaýap beredi.
DNQ saraptamasynyń arqasynda 1990 jyldardaǵy kisi óltirý derekteri áshkere bolǵanyn jazǵan edik.
