Pavlodar oblysynda 100-ge tarta naýqas ózderine tıesili áleýmettik kómekti almaǵan

ASTANA. KAZINFORM – Pavlodar oblystyq prokýratýrasy medıtsınalyq uıymdarda onkologııalyq naýqastardy medıtsınalyq-áleýmettik saraptamaǵa jiberý boıynsha zańbuzýshylyqtardy anyqtady. Bul saraptama múgedektik pen áleýmettik tólemder taǵaıyndaý úshin mindetti rásim bolyp sanalady.

Baqylaýshy organnyń málimetinshe, jekelegen medıtsına qyzmetkerleriniń áreketsizdigi saldarynan aýyr haldegi patsıentter ózderine tıesili áleýmettik qoldaý sharalaryn ýaqytyly paıdalana almaǵan. Osylaısha, olardyń quqyqtary buzylǵan.

- Prokýrorlyq qadaǵalaý aktisiniń nátıjesinde 95 patsıent medıtsınalyq-áleýmettik saraptamaǵa jiberildi. Onyń ishinde 38 adamǵa múgedektik dárejesi berildi, al 57 patsıent saraptama protsesinde, - delingen vedomstvo dereginde.

Prokýratýra usynysy qaralǵannan keıin jaýapty tulǵalar tártiptik jaýapkershilikke tartyldy.

Aıta keteıik, Pavlodar óńirinde AITV-nyń anadan balaǵa juǵý jaǵdaılary tirkelgen.