Pavlodar oblysynda 1 mlrd teńgelik et kombınatynyń qurylysyna prokýratýra aralasty
ASTANA. KAZINFORM — Pavlodar oblysynyń Ertis aýdanynda quny 1 mlrd teńgeden asatyn et kombınatynyń qurylysy ınjenerlik ınfraqurylymǵa qarjynyń ýaqytyly bólinbeýine baılanysty keshigýi múmkin edi. Prokýratýranyń aralasýynan keıin oblystyq bıýdjetten qajetti jumystarǵa shamamen 100 mln teńge bólindi.
Prokýratýranyń málimetinshe, Pavlodar oblysynyń Ertis aýdanynda quny 1 mlrd teńgeden asatyn et kombınatynyń qurylysy aıaqtalýǵa jaqyn. Jobany iske asyrý aýdan men jalpy óńir úshin mańyzdy áleýmettik-ekonomıkalyq mánge ıe.
Sonymen qatar, ınjenerlik ınfraqurylymdy júrgizý jumystaryna qarjynyń ýaqytyly bólinbeýi ınvestıtsııalyq jobany iske asyrý merziminiń buzylý qaýpin týdyrǵan.
— Prokýratýranyń aralasýynan keıin qajetti ınjenerlik ınfraqurylymdy salýǵa oblystyq bıýdjetten shamamen 100 mln teńge bólindi. Qazirgi ýaqytta nysanda ınjenerlik jelilerdi tartý boıynsha qurylys-montaj jumystary júrgizilýde. Olardy qarasha aıynda aıaqtaý josparlanǵan, — dep habarlady quzyrly organnan.
Jol kartasyna sáıkes, et kombınatyn tolyq paıdalanýǵa berý aǵymdaǵy jyldyń jeltoqsan aıynda josparlanǵan.
Jobanyń iske qosylýy óńirde jańa óndiristik qýattardy qurýǵa jáne Ertis aýdanyndaǵy et óńdeý salasynyń damýyna qosymsha serpin beredi.
