Pavlodar oblysy balalardyń quqyqtaryn qorǵaý basqarmasynyń basshysy taǵaıyndaldy
PAVLODAR. KAZINFORM — Pavlodar oblysy ákiminiń ókimimen Pavlodar oblysy balalardyń quqyqtaryn qorǵaý basqarmasynyń basshysy bolyp Qalıeva Zaýresh taǵaıyndaldy.
Zaýresh Jaqsylyqqyzy 1977 jyly týǵan. Joǵary bilimdi, bilim berý salasy men memlekettik qyzmette kóp jyldyq eńbek tájirıbesi bar.
Eńbek jolyn 1996 jyly Pavlodar qalasyndaǵy № 12 orta mektepte qazaq tili pániniń muǵalimi bolyp bastaǵan. Keıingi jyldary áleýmettik pedagog, Pavlodardaǵy № 2 mektepte dırektordyń tárbıe isi jónindegi orynbasary, № 20 lıtseı-mektebi dırektorynyń orynbasary qyzmetterin atqardy.
Memlekettik qyzmetke 2011 jyly keldi. Ár jyldary mektepke deıingi mekemeler sektorynyń bas mamany, qorǵanshylyq jáne qamqorshylyq sektorynyń meńgerýshisi, Pavlodar qalalyq bilim berý bóliminiń uıymdastyrý jumysy sektorynyń meńgerýshisi laýazymdarynda jumys istedi. 2019-2024 jyldary Pavlodar qalasy bilim berý bólimi basshysynyń orynbasary qyzmetin atqardy. Odan keıin Pavlodar aýdanynyń bilim berý bólimin basqardy.
Osy qyzmetke taǵaıyndalǵanǵa deıin Pavlodar qalasy bilim berý qyzmetkerleri kásipodaq uıymy fılıalynyń tóraǵasy boldy.
