Pavlodar oblysy ákiminiń jańa orynbasary taǵaıyndaldy
ASTANA. KAZINFORM — Serik Tólenbergenov Pavlodar oblysy ákiminiń orynbasary boldy.
Ol bul qyzmetke Qazaqstan Respýblıkasy Prezıdenti Ákimshiliginiń kelisimimen jáne Pavlodar oblysy ákiminiń ókimimen taǵaıyndaldy.
Serik Tólenbergenov 1974 jyly týǵan. «Qarjy jáne nesıe», «Quqyqtaný» jáne «Memlekettik jáne jergilikti basqarý» mamandyqtary boıynsha úsh joǵary bilimi bar.
Eńbek jolyn 1995 jyly bastaǵan. Memlekettik organdarda kóp jyldyq eńbek tájirıbesi bar. Ár jyldary Rıdder qalasy ákiminiń orynbasary, Ulan aýdanynyń ákimi, Shyǵys Qazaqstan oblysynyń jolaýshylar kóligi jáne avtomobıl joldary, qurylys, sáýlet jáne qala qurylysy basqarmalarynyń basshysy, Aqtóbe oblysynyń qurylys basqarmasynyń basshysy, Aqtóbe oblysy ákiminiń birinshi orynbasary jáne orynbasary qyzmetterin atqarǵan.
2024-2025 jyldary Qazaqstan Respýblıkasy tótenshe jaǵdaılar mınıstriniń orynbasary, al 2025-2026 jyldary Abaı oblysy ákiminiń orynbasary bolyp jumys istedi.
Jańa qyzmetinde Serik Tóleýǵalıuly qurylys, sáýlet jáne qala qurylysy, energetıka jáne turǵyn úı-kommýnaldyq sharýashylyǵy, jolaýshylar kóligi men avtomobıl joldary, sondaı-aq azamattyq qorǵaý salalaryna jetekshilik etetin bolady.
Eske salaıyq, buǵan deıin Abaı oblysynda jańa Konstıtýtsııadan keıingi alǵashqy aýdan ákimi taǵaıyndalǵanyn habarlaǵanbyz.
