Pavlodar oblysy ádilet departamentine jańa basshy taǵaıyndaldy
PAVLODAR. KAZINFORM - Danıel Ǵalıhanuly Tataev Pavlodar oblysy ádilet departamentiniń basshysy laýazymyna taǵaıyndaldy. Ol buǵan deıin atalǵan mınıstrliktiń Baqylaý jáne qujattamalyq qamtamasyz etý departamenti qujattardy baqylaý basqarmasy basshysy qyzmetin atqaryp kelgen.
QR Ádilet mınıstrligi apparat basshysynyń buıryǵyna sáıkes, Danıel Ǵalıhanuly Tataev Pavlodar oblysy ádilet departamenti basshysy laýazymyna taǵaıyndaldy.
Danıel Ǵalıhanuly 1976 jyly Qostanaı oblysy Arqalyq qalasynda dúnıege kelgen.
A.Baıtursynov atyndaǵy memlekettik ýnıversıtetiniń túlegi.
Eńbek jolyn 1994 jyly Arqalyq et kombınatynyń ton-teri tsehynyń jumysshysy bolyp bastaǵan. 2001 jyldan bastap Ádilet mınıstrliginde jetekshi maman, halyqty tirkeý jónindegi jumysty uıymdastyrý basqarmasy bastyǵynyń orynbasary, qujattamalyq qamtamasyz etý basqarmasynyń basshysy, Іshki ákimshilik departamenti dırektorynyń orynbasary jáne taǵy basqa jaýapty qyzmetterdi atqarǵan.
Sońǵy laýazymdyq qyzmeti - Ádilet mınıstrligi Baqylaý jáne qujattamalyq qamtamasyz etý departamenti qujattardy baqylaý basqarmasy basshysy.
Eske sala keteıik, Murat Tileýberdıev Qaraǵandy oblysynyń prokýrory bolyp taǵaıyndaldy.
