Pavlodar munaıhımııasy zaýyty ishki naryqty benzın men dızel otynymen 100 paıyz qamtamasyz etedi
ALMATY. Naýryzdyń 25-i. QazAqparat /Erlik Erjanuly/ - Pavlodar munaıhımııasy zaýyty kerosın óndirýdi bıyl 2,5 ese ulǵaıtpaq. Ony óndiris ornynyń Bas dırektory búgin Almatyda ótip jatqan 5-shi halyqaralyq munaıgazóńdeý jáne munaıhımııasy men munaı ónimderiniń KazRefinEx2010 sımpozıýmynda málimdedi,
dep habarlaıdy QazAqparat.
«2010 jyly Pavlodar munaıhımııasy zaýyty óndiristi qaıta qurmaı-aq bıtým óndirýdi 3 paıyzǵa ulǵaıtyp 200 myń tonnaǵa, al kerosındi 2,5 ese arttyryp 200 myń tonnaǵa jetkizýge mindetteme aldy. Endi 1 zaýyttyń ózi ishki naryqty benzın jáne dızel otynymen 100 paıyz qamtamasyz etetin bolady», deıdi óndiris ornynyń Bas dırektory Shýhrat Danbaı. Onyń aıtýynsha, bul jospardy júzege asyrýdyń arqasynda Atyraý munaı óńdeý zaýyty esh alańdaýsyz aromatıkalyq kómirtegi óndirý baǵytyndaǵy jumysyn jandandyrýyna múmkindik beredi. Sondaı-aq munaı ónimderi ımportyn azaıtýdy jalǵastyrýǵa jol ashady. Qazir 2010-2014 jyldarǵa arnalǵan damý josparyn júzege asyrýǵa zaýytta eshqandaı túıtkil másele joq.
