Pavlodar munaı zaýytyna qatysty taǵy bir zańbuzýshylyq anyqtaldy

NUR-SULTAN. QazAqparat – Pavlodar munaıhımııa zaýytyna qatysty zań buzýshylyqtar anyqtaldy. Bul týraly QazAqparat Básekelestikti qorǵaý jáne damytý agenttigine silteme jasap habarlaıdy.

«Agenttiktiń Pavlodar oblysy boıynsha departamenti óńirlik prokýratýranyń basshylyǵymen «Pavlodar munaıhımııa zaýyty» JShS qyzmetin vedomstvoaralyq tekserý sheńberinde 2021 jyly shıki munaıdy qaıta óńdeý boıynsha jumystardy oryndaýǵa monopolııalyq joǵary baǵa belgileý túrinde zaýyttyń óziniń ústem jaǵdaıyn teris paıdalaný faktilerin anyqtady. Monopolııaǵa qarsy departamenttiń qorytyndysyn prokýratýra is júrgizý sheshimin qabyldaý úshin Pavlodar oblysy boıynsha Ekonomıkalyq tergeý departamentine joldady», - delingen habarlamada.

Eske salsaq, «Pavlodar munaı-hımııa zaýyty» JShS bas dırektory O. Alseıtov jáne basqa da tulǵalarǵa qatysty sotqa deıingi tergeý bastalyp, zaýyt basshysy eki aıǵa qamaldy.