Pavlodar munaı zaýyty atom energııasy salasyndaǵy zańnama talaptaryn buzǵan

PAVLODAR. QazAqparat – «Pavlodar munaı-hımııa zaýyty» JShS-da atom energııasy salasyndaǵy normatıvtik-quqyqtyq aktilerdiń talaptary oryndalmaıtyndyǵy anyqtaldy, dep habarlaıdy QazAqparat.

QR Energetıka mınıstrliginen málim etkendeı, vedomstvonyń Atomdyq jáne energetıkalyq qadaǵalaý men baqylaý komıteti zaýytta tekserý júrgizgen.

«Onyń barysynda «Pavlodar munaı-hımııa zaýyty» JShS ıondandyrýshy sáýlelenýdi generatsııalaıtyn aspaptarmen jáne qondyrǵylarmen, sondaı-aq quramynda radıoaktıvti zattary bar aspaptarmen jáne qondyrǵylarmen jumys isteý kezinde atom energııasyn paıdalaný salasynda qoldanylatyn normatıvtik-quqyqtyq aktilerdiń talaptaryn saqtamaǵany anyqtaldy. Tekserý nátıjesi boıynsha QR Ákimshilik quqyq buzýshylyq týraly kodeksiniń 297-baby 1-bóligine sáıkes ákimshilik quqyq buzýshylyq týraly hattama jasalyp, anyqtalǵan buzýshylyqtardy joıý týraly nusqama berildi», - delingen baspasóz habarlamasynda.