Pavlodar munaı zaýytyndaǵy josparly jóndeý jumystary 2027 jylǵa aýystyryldy
PAVLODAR. KAZINFORM — Bul sheshim ishki naryqty munaı ónimderimen úzdiksiz qamtamasyz etý, maýsymdyq suranys joǵary kezeńde otyn tapshylyǵy táýekelderin azaıtý jáne óndiris turaqtylyǵyn saqtaý maqsatynda qabyldanǵan.
Pavlodar munaı-hımııa zaýytynda josparlanǵan jóndeý jumystary 2027 jylǵa aýystyryldy. Bul týraly «QazMunaıGaz» ulttyq kompanııasynan habarlady.
— Munaı ónimderiniń turaqty óndirisin qamtamasyz etý jáne maýsymdyq suranys joǵary bolatyn kezeńde munaı ónimderin ishki naryqqa úzdiksiz jetkizý maqsatynda, sondaı-aq jergilikti deńgeıde janarmaı tapshylyǵynyń týyndaý táýekelin azaıtý úshin Pavlodar munaı-hımııa zaýytynda josparly aldyn alý jumystary 2026 jyldan 2027 jylǵa aýystyryldy, — dep málimdedi kompanııadan.
Buǵan qosa zaýyttardyń óndiristik qýatyn keńeıtý is-sharalary júzege asyrylyp jatqany aıtylǵan. Qazirgi ýaqytta Shymkent munaı óńdeý zaýytynyń qýatyn jylyna 6 mln tonnadan 12 mln tonnaǵa deıin jáne Pavlodar munaı-hımııa zaýytynyń qýatyn jylyna 6 mln tonnadan 9 mln tonnaǵa deıin ulǵaıtýdyń jobalyq qujattamasy ázirlenip jatyr.
Eske sala keteıik, Brent munaıynyń baǵasy apta qorytyndysy boıynsha $94-tan asty.
