Pavlodar munaı zaýytynda qysqy dızel otynyn óndirýge arnalǵan sýtegi qondyrǵysy salynady

PAVLODAR. KAZINFORM - Quny 101,8 mln eýro bolatyn joba «Jasyl dáliz» memlekettik bastamasy aıasynda júzege asyrylady.

Pavlodar munaı-hımııa zaýytynyń bazasynda bıyl jańadan sýtegi qondyrǵysynyń qurylysy bastalady. Joba qysqy dızel otynyn óndirý úshin zaýytty sýtegimen qamtamasyz etýge baǵyttalǵan.

— 1902 jyly qurylǵan Air Liquide kompanııasy ónerkásiptik gazdar salasynda álemdegi kóshbasshylardyń biri. Ol 73 elde bar jáne Total, ExxonMobil, Shell, BASF, Chevron sııaqty jáne taǵy da basqa iri energetıkalyq korporatsııalarmen seriktes. Quny 101,8 mln eýro bolatyn joba «Jasyl dáliz» memlekettik bastamasy aıasynda júzege asyrylyp jatyr. Ol joǵary energetıkalyq tıimdilik pen shyǵaryndylardyń eń tómengi deńgeıin qamtamasyz etetin bý rıformıng tehnologııasyna negizdelgen, — dep habarlady Pavlodar oblysynyń ákimdiginen.

Jobanyń ereksheligi — Air Liquide mamandary ázirlegen býtan-býtılen fraktsııasynan sýtekti alýdyń ınnovatsııalyq ádisi — First of Its Kind biregeı tehnologııasyn engizý. Bul sheshim aımaqtaǵy tabıǵı gazdyń shekteýli qoryna baılanysty qabyldandy.

Jobany iske asyrý kezeńinde 192 maman, paıdalanýǵa berilgennen keıin 25 turaqty qyzmetker jumys isteıtin bolady.

Eske sala keteıik, Pavlodar munaı-hımııa zaýyty munaı óńdeý tarıfin ózgertti.