Pavlodar munaı óńdeý zaýytyndaǵy jóndeý jumystary keıinge shegerilýi múmkin

NUR-SULTAN. QazAqparat – Energetıka mınıstrligi men «QazMunaıGaz» kompanııasy Pavlodar munaı óńdeý zaýytyndaǵy jóndeý jumystaryn keıinge shegerý máselesin talqylap jatyr, dep habarlaıdy QazAqparat.

Bul týraly Energetıka mınıstrligi Nurlan Noǵaev el aldyndaǵy eseptik kezdesýin qorytyndylaǵan brıfıngide aıtty.

«Pavlodar munaı óńdeý zaýytyndaǵy jóndeý jumystary bıyl shilde-tamyz aralyǵyna josparlanǵan bolatyn. Ońtústik óńirlerde qalyptasqan jaǵdaı men teńgerimdi eskere otyryp, «QazMunaıGaz» kompanııasymen birge jóndeý ýaqytyn keıinge shegerý máselesin qarastyryp jatyrmyz. Jýyq arada biz naqty sheshim shyǵaryp, qosymsha aqparat beremiz»», - dedi vedomstvo basshysy.

Eske salsaq, Nurlan Noǵaev el aldyndaǵy eseptik kezdesýde Teńiz, Qashaǵan,Qarashyǵanaq ken oryndarynan 3,3 mlrd dollar alym-salyq túskenin málim etken edi.