Pavlodar munaı óńdeý zaýytyndaǵy jóndeý jumystary aıaqtaldy

ASTANA. QazAqparat - Pavlodar munaı óńdeý zaýyty sýtegi óndirý qondyrǵysyn jóndep, iske qosty, dep habarlaıdy «QazAqparat» tilshisi zaýyttyń baspasóz qyzmetine silteme jasap.

«21 jeltoqsannan bastap zaýyt munaı ónimderiniń barlyq túrin tolyq kólemde shyǵaratyn tehnologııalyq  rejımge ótýi kerek», - dedi kompanııa mamandary.

Eske sala keteıik, qarashanyń aıaǵynda isten shyqqan quny 425 myń eýro turatyn qurylǵy arnaıy tapsyryspen Anglııadan aldyrylǵan bolatyn. Jedel tapsyryspen jasalǵan bólshek 29 qarashada ushaq arqyly zaýytqa jetkizildi. Aqaý shyqqan kollektordyń jóndeý jumystaryna Qazaqstan, Anglııa, Italııa jáne Reseıdiń mamandary qatysty.

Endi zaýyt óziniń óndiris kólemin esh júktemesiz aq,  dızeldi  táýligine 3900 den 5000 tonnaǵa deıin, benzındi 3600 den 4600 tonnaǵa deıin  ulǵaıtady.

Sonymen qatar, zaýyt 22 jeltoqsannan bastap óz ónimderin K4 ekologııalyq klasyna sáıkes shyǵara bastaıdy.