Pavlodar munaı-hımııa zaýyty sýtegin óndirý qurylǵysyn satty

Atalmysh kompanııaǵa Air Liquide 75 paıyzy jáne «Qaz Munaı Gazdyń» 25 paıyzy tıesili, dep habarlaıdy pavlodarnews.kz .

 Satý-satyp alý kelisimshartyna PMHZ-nyń  bas dırektory Ospanbek Álseıitov pen «Er Lıkıd Mýnaı Teh Gazy» JShS-niń jetekshisi Ýlrıh Haındl qol qoıdy. Sýtegin óndirý qurylǵysynda shyǵarylatyn sýtegi dızel otynyn, benzın men áýe kerosınin kúkirtten  gıdrologııalyq tazalaý úshin qajet. Osynyń nátıjesinde bý óndiriledi. Air Liquide transulttyq kompanııada álem boıynsha óndiristiń 50 qurylǵysy bar. Air Liquide transulttyq kompanııasy Frantsııadaǵy shtab pátermen 80 memlekette tanystyrylǵan jáne úsh mıllıon tutynýshyǵa qyzmet kórsetedi. Kelisimshart «Qaz Munaı Gaz» AQ-nyń baǵdarlamasy aıasynda jasalǵan.  Qazaqstandyq-frantsýz kompanııasynyń ıeligine barlyq qurylǵylar men jabdyqtardy qurý kiredi.    Ulttyq kompanııada sýtegin óndirý qurylǵysyn satý qazaqstandyq naryqtaǵy dızel otynynyń saýdasyna esh áser etpeıdi.

«Er Lıkıd Mýnaı Teh Gazy» JShS tehnıkalyq máseleler boıynsha ýákiletti Taras Kondratenkonyń aıtýynsha,  jańa basshynyń  josparynda qurylǵyny jańǵyrtý qarastyrylǵan.  - Kompanııanyń negizgi maqsaty - jabdyqty  paıdalaný boıynsha senimdilikti arttyrý. Qarapaıym qurylǵy zaýyt úshin tym qymbat ekeni belgili, sondyqtan paıdalanýdyń tıimdiligin arttyrý  maqsatynda álemdik tájirıbege súıenýge týra keledi. Aldaǵy ýaqytta Atyraý munaı-hımııa zaýytynan azot jáne sýtek óndirisi boıynsha qýattylyqty satyp alý josparlanyp otyr, - deıdi Taras Kondratenko.

 Eske sala keteıik, 2017 jyly 21 maýsymda «EKPO» kezinde Astanada Pavlodar munaı-hımııa zaýyty sýtegin óndirý boıynsha qurylǵyny satyp alý úshin «Er Lıkıd Mýnaı Teh Gazy» JShS-men kelisimshart jasasqan. Qujat aıasynda Pavlodar munaı-hımııa zaýytyn  «Er Lıkıd Mýnaı Teh Gazy» kásipornyna tıesili sýtegimen jáne býmen qamtamasyz etý, sonymen qatar, qoldanystaǵy sýtegin óndirý qurylǵysyn jańǵyrtý jáne PMHZ-da jańa sýtegin óndirý qurylǵysyn salý josparlanǵan.