Pavlodar munaı-hımııa zaýyty energııa menedjmenti júıesindegi sáıkestik sertıfıkatyn ıelendi

ASTANA. QazAqparat - Keshe halyqaralyq sertıfıkattaý júıesiniń ókilderi «Pavlodar munaı-hımııa zaýyty» JShS-ǵa ISO 50001:2011 «Energııa menedjmenti júıesi» standartyna sáıkestigi sertıfıkatyn tapsyrdy, dep habarlaıdy «QazMunaıGaz» AQ baspasóz qyzmetinen.

Aıta keteıik, bul zaýyt «QazMunaıGaz - óńdeý jáne marketıng» AQ 100% enshiles uıymy bolyp tabylady.

ISO 50001:2011 «Energomenedjment júıesi» standartyna ótý áksiporynda ınnovatsııalar men energııa tıimdiligin arttyrý salasyn damytý aıasynda júzege asyrylady. Mundaǵy negizgi maqsat - ónimge, kompanııalar tobynyń operatsııalyq úlgisine qatysty ınnovatsııalardy qoldaný, Qazaqstan Respýblıkasynyń «jasyl ekonomıkaǵa» kóshýi boıynsha kontseptsııasyn iske asyrýǵa qatysý.

2013 jyly atalmysh zaýyt qondyrǵylarynyń qubyrlary men tehnologııalyq apparattaryndaǵy jylý oqshaýlaǵyshtarynyń 18 myńnan asa sharshy metri jańartyldy. Munaıǵa arnalǵan toǵyz rezervýar jemirilýge qarsy jáne jaryqqaıtarǵysh jabynmen óńdeldi.

Osy jáne taǵy da basqa birqatar jańartýlardyń negizinde PMHZ ótken jyly elektr energııasyn tutynýdy 7,4%-ǵa, otyn tutynýdy 11,6%-ǵa, jylý energııasyn tutynýdy 6,2%-ǵa tómendete aldy.

Sondaı-aq ótken jyly Reseı Federatsııasynyń, Ýkraına men Qazaqstannyń halyqaralyq sarapshylary osy zaýytta Pavlodar oblysynyń kásiporyndary ishinde energomenedjment júıesine sertıfıkattaý aýdıtin alǵashqy bolyp júrgizdi. Jańa energomenedjmenti sertıfıkatymen PMHZ kóptegen basymdyqqa ıe boldy. Endi basty nazarǵa energııany únemdeý jáne energııalyq tıimdi tehnologııalar men qural-jabdyqty paıdalaný, jasyl tehnologııalardy engizý, energııa tıimdiligin arttyrý kórsetkishterin jaqsartý, qural-jabdyq pen tehnologııalyq úderisterdi satyp alý jáne jobalaý kezindegi energııa tıimdiligi krıterıılerin esepke alý, energııany tutyný júıesin jetildirý alynady.

Zaýytta 2014 jylǵa arnalǵan jospar qurastyryldy, ol energııany únemdeý jáne energııa tıimdiligin arttyrý jónindegi 20-dan asa is-sharadan turady.

Energomenedjmentin engizýmen birge zaýyt taǵy bir jańa standart - áleýmettik jaýapkershilik standartyna sáıkes jumys qaǵıdattaryna aýysty.

31 qańtarda «Ulttyq saraptaý jáne sertıfıkattaý ortalyǵy» AQ PMHZ áleýmettik jaýapkershilik menedjmenti júıesiniń QR ST 1352 (SA 8000) ulttyq jáne halyqaralyq standart talaptaryna sáıkestigin rastady.Atalmysh mekemeniń málimetteri boıynsha elimizde búgingi kúni bul standart boıynsha qoldanystaǵy sáıkestik sertıfıkattaryna úsh kásiporyn ıe.