Pavlodar munaı-hımııa zaýytynyń bıtým qondyrǵysynda jańa pesh iske qosyldy
«QazMunaıGaz» UK AQ Basqarma Tóraǵasy Maǵzum Myrzaǵalıev pen Pavlodar oblysynyń ákimi Asaın Baıhanov búgin Pavlodar munaı-hımııa zaýytynda bolyp, bıtým óndirýge arnalǵan qondyrǵynyń jańa peshin iske qosty.
«PMHZ» JShS bas dırektory Qýanysh Bıshimov bıtým óndirýge arnalǵan qondyrǵyda ornatylǵan jańa peshtiń sıpattamalary men onyń kásiporyndaǵy óndiris kólemine áserin baıandady.
Jańa peshti iske qosý jumystary PMHZ ortalyq basqarý pýnktinde júrgizildi.
«Memleket basshysynyń ishki naryqty otynmen qamtamasyz etý jóninde qoıǵan mindetterin oryndaý sheńberinde «QazMunaıGaz» munaı óńdeý zaýyttarynda munaı ónimderi jelisin óndirý kólemin arttyrý úshin is-sharalar keshenin qolǵa aldy. Atap aıtqanda, jol qurylysynyń otandyq ekonomıkanyń damýyndaǵy mańyzdy rólin eskere otyryp, bul is-sharalardyń birqatary bıtým shyǵarýdy arttyrýǵa baǵyttaldy.
Búgin iske qosylatyn bıtým óndirý qondyrǵysyndaǵy jańa peshtiń qurylysy da osy mindetti sheshýge arnaldy. Bul joba – bıtým óndirisin arttyrý baǵytyndaǵy alǵashqy qadamdardyń biri. Jańa pesh elimizdegi eń kóne munaı-hımııa kásiporyndarynyń birinde bıtým óndirisin aıyna 45 000 tonnadan 52 000 tonnaǵa deıin arttyrýǵa múmkindik beredi. Osylaısha, «QazMunaıGaz» joǵary sapaly bıtým óndirýshiler naryǵyndaǵy jetekshi pozıtsııasyn nyǵaıta túsedi», - dep atap ótti M.Myrzaǵalıev.
Tehnologııalyq pesh azot oksıdteri shyǵaryndylarynyń kórsetkishteri tómen zamanaýı ottyqtarmen jabdyqtalǵan, ónerkásiptegi qaýipsizdik normalaryna, apatqa qarsy qorǵaý júıesine sáıkes keledi jáne zaýyttyń taratý basqarý júıesine qosylǵan.
Eske sala ketsek, «QazMunaıGaz» kompanııalar tobynda bıtým shyǵarýmen Aqtaý bıtým zaýyty (SAЅRІ BITUM JShS) da aınalysady. Qazirgi ýaqytta QMG qytaılyq áriptesterimen birlesip SAЅRІ BITUM zaýytynyń munaı óńdeý qýatyn jylyna 1mln-nan 1,5 mıllıon tonnaǵa deıin arttyrý jobasyn qolǵa aldy, bul kásiporynda jol bıtýmyn óndirisin qazirgi jylyna 500 myń tonnadan 750 myń tonnaǵa deıin ulǵaıtýǵa múmkindik beredi.
«QazMunaıGaz» UK AQ aqparaty negizinde daıyndaldy
