Pavlodar MÓZ benzın shyǵara bastaıdy - Bozymbaev
ASTANA. QazAqparat - QR Energetıka mınıstri Qanat Bozymbaev Pavlodar munaı óńdeý zaýytynyń iske qosylǵanyn málimdedi, dep habarlaıdy QazAqparat tilshisi.
«Pavlodar MÓZ búgin iske qosyldy. Tańerteń bas dırektorymen sóılestim, munaıdy bastapqy óńdeý qondyrǵysy óz jumysyn bastady. Shamamen úsh kúnde joǵary oktandy benzın daıyn bolýy tıis», - dedi ol Ortalyq kommýnıkatsııalar qyzmetinde ótken baspasóz máslıhatynda.
AI-92 markaly benzınniń jetispeýshiliginen zaýyttar AI-95 shyǵarylymyn azaıtty. Q.Bozymbaevtyń aıtýynsha, bul másele qarasha aıynda retteledi.
Mınıstrdiń aıtýynsha, keshe Qazaqstanǵa 64 myń tonna janarmaı ımporttaldy. Qazan aıynyń sońyna deıin el aýmaǵyna taǵy 100 myń tonna benzın jetkiziledi.
