Pavlodar men Novosibir arasyndaǵy áýe reısteri qaıta jandanady
PAVLODAR. KAZINFORM - 1 qyrkúıekten bastap Pavlodar men Reseıdiń Novosibir qalalary arasyndaǵy halyqaralyq áýe qatynasy iske qosylady. Turaqty reısterdi reseılik «Sıbır» áýe kompanııasy júzege asyrady.
Býl týraly QR Kólik mınıstrliginen habarlady.
- Halyqaralyq áýe qatynasy boıynsha 1 qyrkúıekten bastap «Sıbır» áýe kompanııasy Pavlodar – Novosibir baǵyty boıynsha reısterdi jolǵa qoıady. Bul baǵytta aptasyna 7 ret áýe reısin oryndaý josparlanyp otyr, - dep málimdedi mınıstrlikten.
Atalǵan qalalar arasyndaǵy áýe qatynasy 2018 jyly ashylǵan. Alaıda reıs júktemesi jetkiliksiz bolýy sebebinen biraz ýaqyttan soń toqtap qalǵan. Endi suranystyń paıda bolýyna baılanysty baǵytty qaıta ashý kózdelip otyr.
Áýe reısteriniń ashylýy eki el arasyndaǵy kólik-logıstıkalyq baılanysty nyǵaıtyp, óńiraralyq qatynas pen jolaýshylar aǵynyn arttyrýǵa septigin tıgizedi. Sondaı-aq eki qala arasyndaǵy sapar ýaqytyn qysqartyp, iskerlik jáne týrıstik baılanystardy jeńildetedi dep josparlanǵan.
Eske sala keteıik, Pavlodar áýejaıy ushý-qoný jolaǵy jańǵyrtylǵannan keıin ushaqtardy qabyldaı bastady.
