Pavlodar men Ekibastuzda páterinde qaıtys bolǵan eki adamnyń máıiti tabyldy
PAVLODAR. QazAqparat – Kilttengen esikti ashýǵa shaqyrtylǵan TJD qyzmetkerleri Ekibastuz ben Pavlodarda eki er adamnyń máıitin tapty, dep habarlaıdy QazAqparat tilshisi.
«Pavlodar qutqarýshylary esik ashýǵa tórt ret shaqyrtyldy», - dedi Pavlodar oblysy polıtsııa departamentiniń baspasóz qyzmeti jýrnalısterge.
Polıtsııa departamentiniń habarlaýynsha, barlyq shaqyrtý 7 qazan kúni bolǵan. Birinshi shaqyrtý saǵat 17:10-da Nazarbaev dańǵyly 44-shi úıden kelip túsken. Páterde qalǵan bala esikti asha almaǵan, ata-anasy kireberiste bolǵan.
Qutqarýshylar polıtsııa men balanyń ata-anasynyń kózinshe páter balkonyna jyljymaly saty arqyly shyqqan. Balaǵa eshteńe bolmaǵan.
«Ekibastuz qalasyndaǵy ekinshi shaqyrtýǵa qutqarýshylar 18:51-de shyqty. Máshhúr Júsip kóshesinde turatyn 1945 jylǵy áıel páterde bolyp, esigin asha almaǵan», - dedi óńirlik TJD.
Munda da qutqarýshylar polıtsııa qyzmetkerleriniń kózinshe arnaıy quraldarmen kirer esikti ashty. Áıelge eshteńe bolmaǵan, ol medıtsınalyq kómekti qajet etpedi.
Saǵat 20:20-da Ekibastuz qutqarýshylary dál sondaı shyqyrtýǵa shyqty. Amangeldi kóshesindegi jeke menshik sektorynda er adam esigin ashpaǵan, úıden ólik ıisi shyǵa bastaǵan.
Qutqarýshylar polıtseıler men er adamnyń týystarynyń kózinshe kirer esikti arnaıy quraldarmen ashty.
Bólmelerdiń birinen 53 jastaǵy er adamnyń máıiti tabyldy.
«Uqsas jaǵdaı Pavlodar oblysynda túngi saǵat 11 shamasynda boldy: ınsýlt alǵan er adam esigin ashpaǵan. Qutqarýshylar polıtseıler men er adamnyń týystarynyń kózinshe arnaıy quraldarmen kirer esikti buzyp ashady – bólmelerdiń birinde 1974 jyly týǵan er adamnyń máıiti tabyldy», - dedi qutqarýshylar.
Barlyq jaǵdaıda Pavlodar oblysynda shaqyrtylǵan jerlerge 16 qutqarýshy, 4 TJD kóligi jáne 102 qyzmeti shyqqan.
