Pavlodar men Ekibastuzda bes ınklıýzıvti ámbebap alań paıda bolady
PAVLODAR. QazAqparat - Jyldyń sońyna deıin «Samruk Kazyna Trust» qorynyń demeýshiligimen Pavlodar qalasynda úsh ınklıýzıvti ámbebap alańy paıda bolady jáne dál sondaı eki alań Ekibastuzda ashylady, dep habarlaıdy pavlodarnews.kz.
Deneshynyqtyrý jáne sport bóliminiń basshysy Aıbek Qabıevtyń málimetinshe, bastapqyda barlyq bes alań Pavlodar qalasynda ornatylýy tıis boldy. Keıin ony ekige bólidý sheshken.
«Aýmaǵy 400 sharshy metrdi quraıtyn alańdar Qamzın, 68, Estaı, 146 jáne Astana, 10 mekenjaılarynda paıda bolady, - dedi vedomstvo basshysy. - Alańdar daıyn tur. Jaqyn arada olar ornatylatyn bolady. Olardyń árbireýinde strıt-vorkaýt, dala trenajerleri, hokkeı korty men balalar oıyn alańy bar. Atalǵan alańdarda erekshe qajettiligi bar balalar men jastar da osynda jattyǵý jasaı alady».
Aıbek Qabıevtyń aıtýynsha, Bekturov kóshesi, 115 úıiniń aýlasynda da osyndaı jabdyqtar ornatylýy tıis edi, biraq bul jerdegi úlken hokkeı kortyn qımaǵan.
«Osynda balalar da eresekter de ýaqytyn ótkize alady. Úılerdiń qasynda jasóspirimder klýby bar. Sonydqtan da, uıymdardyń tárbıelenýshileri de bul jerde jattyǵa alady», - dep atap ótti vedomstvo basshysy.
Búgingi kúni qalada jeti ınklıýzıvti ámbebap alań ornatylsa, Aqsý qalasy men Lenın kentinde bireýden bar.
