Pavlodar men Aqmola oblystarynda mektepte sabaq bolmaıdy
ASTANA. QazAqparat - Aıazǵa baılanysty Pavlodar oblysynyń barlyq mektepterinde jáne Aqmola oblysynyń Kókshetaý qalasynda sabaqtar toqtatyldy, dep habarlaıdy QazAqparat.
«1 aqpan kúni birinshi aýysymdaǵy 1-9 synyptarda sabaq ótkizilmeıdi. Aýa temperatýrasy -30 gradýs, jeldiń jyldamdyǵy 3 m/s», - delingen Pavlodar oblystyq Bilim basqarmasynyń resmı saıtynda.
Sondaı-aq Kókshetaý qalalyq bilim bóliminiń aqparatyna sáıkes, birinshi aýysymdaǵy 0-9 synyptar oqymaıdy.
Buǵan deıin qatty aıaz saldarynan Astanada 0-4 synyp oqýshylary mektepke barmaıtynyn habarlaǵan bolatynbyz.
