Pavlodar memlekettik ýnıversıtetiniń stýdentteri evreılerdiń Pýrım merekesinde boldy

PAVLODAR. 23 aqpan. QazAqparat - Pýrım kóne evreı merekesi qarsańynda S.Toraıǵyrov atyndaǵy Pavlodar memlekettik ýnıversıtetinde «Merkaz» birlestiginiń qatysýymen evreı ulttyq ádebıet keshi ótti, dep habarlady JOO-nyń baspasóz qyzmetinen.

«Pýrım ataqty parsy patshasy Ahashveroshtyń (Artakserks) bılegen tusynda evreılerdiń tańǵajaıyp qutqarylýynan estelik retinde atap ótiledi. Bul merekeniń 2400 jyldan astam tarıhy bar», - dep baıandady oblystyq Qazaqstan halqy Assambleıasynyń ardageri, evreı mádenıeti ortalyǵynyń turaqty kóshbasshysy Faına Svechınskaıa.

Pavlodarlyq ulttyq jańarý mektebiniń tárbıelenýshileri teatrlandyrylǵan kórinis kórsetip, onda evreı halqynyń Pýrım merekesin atap ótý dástúrin kórkemdik túrde kórsetti.