Pavlodar mektepteriniń naýbaıhanalary nandy temirmen baıytylǵan unnan pisiretin bolady
PAVLODAR. QazAqparat - Pavlodar mektepteri temirge, A, A1, V2 dárýmenderi men folıı qyshqylyna baı nan, toqash jáne bálish ónimderin jasaý úshin fortıfıkatsııalanǵan undy ala bastady, dep habarlaıdy QazAqparat tilshisi.
«Jasóspirimder arasynda as qorytý júıeleri aýrýlarynyń jáne temir jetispeýshiliginiń aldyn alý úshin qala mektepteri men Qoǵamdyq densaýlyqty saqtaý basqarmasy fortıfıkatsııalanǵan undy jetkizý maqsatynda arnaıy memorandýmǵa qol qoıdy. ıAǵnı, atalǵan qujattyń kómegimen qala mektepteriniń 100 paıyzy bilim alýshylarǵa nan-toqash ónimderin ázirleýge arnalǵan fortıfıkatsııalanǵan unmen qamtylady. Osylaısha, jasóspirimder arasyndaǵy temir jetispeýshiligi máselesin sheshemiz», - dedi Pavlodar qalalyq bilim bólimi sektorynyń meńgerýshisi Qýanysh Qydyrálın.
Pavlodardyń barlyq mektepteri endi fortıfıkatsııalanǵan unnan jasalǵan nan-toqash ónimderin pisiretin bolady. Ol temir men ártúrli dárýmenderge baı bolǵandyqtan, mektep oqýshylarynyń densaýlyǵyn jaqsartýǵa septigin tıgizedi. Mekemelerdiń toǵyzynda nandy dál osy unnan pisiredi.
Tehnologtardyń aıtýynsha, nan men toqash jasalatyn fortıfıkatsııalanǵan un qan azdyǵy men as qorytý júıeleri aýrýlarynyń aldyn alýǵa kómektesedi. Pavlodar oblysy Qoǵamdyq densaýlyq saqtaý departamentiniń basshysy Irına Sorokına 2017 jyldyń sońynda Pavlodar oblysynda 6000-ǵa jýyq adam qanazdyqpen aýyrǵanyn jetkizdi. Olardyń 43 paıyzy - balalar.
