Pavlodar mektepterine Alash arystarynyń esimi berilmek
NUR-SULTAN. QazAqparat – Pavlodar oblysyndaǵy 12 mektepke qazaqtyń belgili tarıhı tulǵalarynyń esimi berilýi múmkin, dep habarlaıdy QazAqparat tilshisi.
«Pavlodar qalasyndaǵy №20 mektep-lıtseıine - Álıhan Bókeıhannyń, №34 ınnovatsııalyq mektebine - Ahmet Baıtursynulynyń, №1 mektebine - Malaısary batyrdyń, №23 mektebine – Rafıka Nurtazınanyń, №16 mektep-lıtseıine - Amanjol Shámkenovtiń, №9 gımnazııa-mektebine - Shapyq Shókınniń, №28 mektepke - Sultanmahmut Toraıǵyrovtyń, №19 mektepke - Máshhúr Júsiptiń, №37 mektepke - Jumabek Táshenovtyń esimi berilsin. Sondaı-aq, Aqsý qalasyndaǵy №1 qazaq orta mektebi - Ybyraı Altynsarınniń, №2 mektebi – Abaıdyń, Aqsý qalasyndaǵy daryndy balalarǵa arnalǵan gımnazııa Qanysh Sátbaevtyń esimimen atalsyn», - delingen Úkimet qaýlysynda .
Qosa ketsek, buǵan deıin Batys Qazaqstan oblysyndaǵy mektepterge Baýyrjan Momyshuly men Qadyr Myrza Áliniń esimderi beriletinin habarlaǵan bolatynbyz.
