Pavlodar mektepterinde zańsyz aqsha jınasa, «jedel jelige» shaǵymdanýǵa bolady
PAVLODAR. QazAqparat - Pavlodar oblysynda mektepte aqsha jınaýǵa qarsy «jedel jeli» iske qosyldy, dep hzabarlaıdy QazAqparat tilshisi.
«Aımaqtyq bilim basqarmasynda «jedel jeli» jumys istep tur. Oǵan 8 (7182) 32-05-60 nómiri arqyly habarlasyp, mektepte, balabaqshada zańsyz aqsha jınaýǵa qatysty faktilerdi jetkizýge bolady», - dep málim etti QR memlekettik qyzmet isteri jáne sybaılas jemqtorlyqqa qarsy is-qımyl agenttiginiń oblystyq departamentiniń baspasóz qyzmeti.
Pavlodar oblystyq bilim basqarmasynyń resmı saıtynda endi «Jivosite» arnaıy messendjeri jumys isteıdi. Sondaı-aq osy basqarmanyń áleýmettik jelidegi paraqshalaryna da shaǵymdanyp, kókeıdegi suraqtardy qoıýǵa bolady.
«Ata-analar Pavlodar oblystyq bilim salasyndaǵy baqylaý departamentine de júgine alady. Olar bilim salasyndaǵy zańnamalardyń saqtalýyn qadaǵalap, bilim sapasyn syrttaı tekserip otyrady», - dep túıindedi sheneýnikter.
Eger ata-analar bilim mekemelerinde sybaılas jemqorlyq kórinisterine tap bolsa, olardan basy artyq qujat surap, mazasyn alsa nemese memlekettik qyzmetti sapasyz kórsetken mekemege kez bolsa, 8 747 404 1424 nómiri boıynsha WhatsApp-jelige shaǵymdanýǵa múmkindik jasalǵan.
