Pavlodar mektepterinde naqty ǵylymdar aǵylshynsha oqytylady
PAVLODAR. QazAqparat - Pavlodarda UBT tapsyrý kezinde joǵary oqý ornyna túsýge qajetti shektik baldy jınaı almaıtyn oqýshylar barynsha qysqardy, dep habarlaıdy QazAqparat tilshisi.
«Mektepke deıingi bilim berý mekemeleriniń joǵary jáne birinshi sanatty pedagogtarynyń úlesi 7,4 paıyzǵa artyp, jalpy 37 paıyzǵa jetti. Mektep oqytýshylarynyń sapa deńgeıi 69%-ǵa kóterildi. Oqý jyly bastalǵanǵa deıin qala mektepterine 150 jas pedagog keledi, byltyr olardyń sany 130 bolǵan», - deıdi Pavlodar bilim bóliminiń ókilderi.
Vedomstvo baspasóz qyzmeti bergen málimetterge súıensek, 2018-2019 oqý jylynda 8-11 synyptardyń oqýshylary synaq retinde hımııa, fızıka, bıologııa, ınformatıka pánderin aǵylshyn tilinde oqıdy.
«Bul úshin aǵylshyn tilindegi oqýlyqtar basyldy, «Kóptildi» synyptarda sabaq ótken oqýshylarǵa aı saıyn 35 myń teńge mólsherinde ústemeaqy tólenedi», - deıdi bilim bóliminiń ókilderi.
Bıyl UBT tapsyrý kezinde joǵary oqý ornyna túsýge qajetti shektik baldy jınaı almaıtyn oqýshylar sany 2,2 paıyzǵa deıin qysqardy. Bir jyl buryn barlyq bitirýshilerdiń 11 paıyzy shektik baldy jınaı almaǵan bolatyn.
