Pavlodar mańynda jeti adam zardap shekken jol apaty boıynsha sotaldy tergeý bastaldy
PAVLODAR. QazAqparat – Pavlodar – Aqqýly trassasynda jeti jolaýshy zardap shekken jol-kólik oqıǵasyna qatysty sotqa deıingi tergeý jumystary bastaldy, dep habarlaıdy QazAqparat.
«Pavlodar – Aqqýly avtojolynyń toǵyzynshy shaqyrymynda «Nissan Cefiro» markaly eki jáne «Audi 100» markaly bir kólik soqtyǵysqan jol apaty boldy. Qazaqstan Respýblıkasy Qylmystyq kodeksiniń «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy» baby boıynsha sotaldy tergeý sharalary júrgizilip jatyr. Saraptamalar taǵaıyndaldy», - dep Pavlodar oblysynyń PD baspasóz qyzmeti habarlady.
Búǵan deıin Pavlodar oblysy jedel járdem stansasynyń baspasóz qyzmeti jol-kólik apatynda úsh avtokóliktiń soqtyǵysyp, nátıjesinde jeti adamnyń aýrýhanaǵa túskendigi týraly habarlady. Kenjekól jáne Baıdala aýyldarynyń arasynda bolǵan jol apatynan bes eresek adam jáne eki bala zardap shekken.
