Pavlodar mańynda sańyraýqulaq terip júrgen er adam joǵalyp ketti
PAVLODAR. QazAqparat - Lenın kentinde Ertis ózeniniń jaıylmasynda sańyraýqulaq terýge shyqqan balyqshy joǵalyp ketti. Bul týraly oblystyq TJD baspasóz qyzmeti málim etti, dep habarlaıdy pavlodarnews.kz.
"2 qazanǵa qaraǵan túni saǵat 00.05-de «112» pýltine Pavlodar qalasynyń mańynda er adamnyń joǵalyp ketkeni týraly habarlama kelip tústi. Oqıǵa ornyna jedel túrde quramynda Pavlodar oblysy TJD-niń úsh qyzmetkeri bar top shyqty. Olar jaıylmanyń árbir sharshy metrin tekserip shyqty", - deıdi departamentte.
Qutqarýshylar saǵat 01.42-de kelip túsken izdestirý jumystarynyń nátıjesinde 1957 jyly týǵan er adamdy uıaly telefony arqyly anyqtady. Medıtsınalyq kómekten bas tartqan azamatty qutqarýshylar týǵan-týystaryna tapsyrdy.
