Pavlodar, Mańǵystaý jáne Batys Qazaqstan oblystyq sottarynyń tóraǵalary taǵaıyndaldy
ASTANA. KAZINFORM – Joǵarǵy Sottyń sot alqalarynyń tóraǵalary Nurserik Sháripov, Nazgúl Rahmetýllına jáne Aslan Túkıev Batys Qazaqstan, Mańǵystaý jáne Pavlodar oblystyq sottarynyń jańadan taǵaıyndalǵan tóraǵalaryn sot qaýymdastyǵyna tanystyrdy.
Olar tıisinshe Azat Іzbasarov, Maqsut Teketaev jáne Serik Tólegenov boldy.
Kezdesýlerge oblystyń sýdıalary, memleket jáne quqyq qorǵaý organdarynyń basshylary, sot júıesiniń ardagerleri jáne Sot ákimshiligi departamentteriniń ókilderi qatysty.
Spıkerler jańadan taǵaıyndalǵan sot tóraǵalarynyń sot júıesindegi kópjyldyq tájirıbelerin, joǵary biliktilikterin, bedelderi men uıymdastyrýshylyq qabiletterin atap ótti. Olardyń aldyna sottarda sot tóreligin júzege asyrý sapasyn arttyrý - birinshi kezektegi mindet retinde qoıyldy.
Aıta keteıik, Azat Ómirbekuly Іzbasarov 1978 jyly Almaty oblysy Tekeli aýylynda dúnıege kelgen.
1999 jyly Qazaq memlekettik zań ýnıversıtetin bitirgen.
1999-2009 jyldary — Almaty qalasy jáne Almaty oblysy ІІD-niń tergeýshisi, tergeý bóliminiń bastyǵy qyzmetterin atqarǵan;
2009-2018 jyldary — Almaty oblysy Qarasaı aýdandyq sotynyń sýdıasy, Mańǵystaý oblysynyń qylmystyq ister jónindegi mamandandyrylǵan aýdanaralyq sotynyń tóraǵasy;
2018-2021 jyldary — Mańǵystaý oblystyq sotynyń sýdıasy;
2021 jyldan bastap osy ýaqytqa deıin Batys Qazaqstan oblystyq sotynyń qylmystyq ister jónindegi sot alqasynyń tóraǵasy.
Maqsut Nysanbaıuly Teketaev 1970 jyly Qyzylorda oblysy Shıeli aýdanynda dúnıege kelgen.
2003 jyly D.Qonaev atyndaǵy ýnıversıtettiń zań fakýltetin (Almaty q.) bitirgen.
2001-2007 jyldary — Almaty qalasynda sot oryndaýshysy, aǵa sot oryndaýshysy qyzmetterin atqarǵan;
2007-2022 jyldary — sýdıa, Talǵar aýdandyq sotynyń tóraǵasy;
2022 jyldan bastap qazirgi taǵaıyndalǵanǵa deıin – Qyzylorda oblystyq sotynyń azamattyq ister jónindegi sot alqasynyń tóraǵasy.
Serik Keńesuly Tólegenov 1968 jyly Almaty oblysy Aıdarly aýylynda dúnıege kelgen.
1998 jyly Ál-Farabı atyndaǵy Qazaq memlekettik ulttyq ýnıversıtetiniń zań fakýltetin bitirgen.
1990-2003 jyldary — sot hatshysy, sot prıstavy, Joǵarǵy Sot apparatynyń konsýltanty;
2003-2007 jyldary — Astana qalasy Almaty aýdandyq sotynyń sýdıasy;
2007-2022 jyldary — Aqtóbe qalalyq sotynyń tóraǵasy, Almaty qalasy Almaly aýdanynyń No2 aýdandyq sotynyń tóraǵasy;
2022 jyldan bastap qazirgi taǵaıyndalǵanǵa deıin – Pavlodar oblystyq sotynyń azamattyq ister jónindegi sot alqasynyń tóraǵasy.
Buǵan deıin Almat Ermanov Qostanaı oblystyq sotynyń tóraǵasy bolyp taǵaıyndaldy.