Pavlodar qutqarýshylary jańa jylda aeroqaıyqqa ıe boldy
PAVLODAR. KAZINFORM - Bul ámbebap kólik sýda da, muzda da, qarda da, batpaqta da, qurlyqtyń tegis jerlerinde de júre alady. Jer bederi kúrdeli jerlerde qutqarýshylardyń múmkindikterin edáýir keńeıtedi.
Pavlodar oblysy tótenshe jaǵdaılar departamentiniń avtoparki jańa zamanaýı kólik quralymen - úrlengen jastyǵy bar qaıyqpen tolyqty.
Aeroqaıyq qýatty jeldetkishterdiń arqasynda jer betimen jeńil syrǵıdy. Qaıyq tabanyndaǵy ıkemdi konstrýktsııa kúrdeli jaǵdaılarda, taıaz sýda nemese muzda turaqty ıkemdilikti qamtamasyz etedi.
- Aeroqaıyqtyń nátıjesinde qutqarýshylar zardap shekkenderge, ásirese sý tasqyny aımaqtaryna, juqa muzda, ózge de kólik júre almaıtyn jerlerge tez jetip, qysqa merzimde kómek kórsete alady. Tehnıka qutqarýshylar jumysynyń tıimdiligin edáýir arttyrady jáne halyq úshin de, qutqarýshylardyń ózderi úshin de úlken qaýipsizdikti qamtamasyz etedi, - dep habarlady óńirlik tótenshe jaǵdaılar departamentinen.
Buǵan deıin Pavlodarda aýyl turǵyny aıazda qalyp qoıǵan qos aqqýdy qutqarǵany týraly jazǵanbyz.
