Pavlodar qurylys bóliminiń basshysy men orynbasary kúdikke ilindi

NUR-SULTAN. QazAqparat - Pavlodar oblysynyń sybaılas jemqorlyqqa qarsy qyzmeti Pavlodar qalasy Qurylys bóliminiń basshysy men onyń orynbasaryna qatysty sotqa deıingi tergeýdi bastady. Bul týraly AntikorNews baǵdarlamasynda aıtyldy, dep habarlaıdy QazAqparat tilshisi.

«Olar kásipkerden oǵan jalpy qamqorlyq kórsetkeni jáne onyń kompanııasyna memlekettik satyp alý sharty boıynsha oryndalǵan jumystar aktilerine qol qoıýǵa kómekteskeni úshin jalpy somasy 150 myń teńge para aldy dep kúdiktelýde», - deıdi QR Sybaılas jemqorlyqqa qarsy is-qımyl agenttigi birinshi departamentiniń asa mańyzdy ister jónindegi tergeýshisi Danııar Bıǵaıdarov.

Sondaı-aq, Jambyl oblysy boıynsha sybaılas jemqorlyqqa qarsy qyzmeti Jambyl oblysy ákimdiginiń Jumyspen qamtýdy úılestirý jáne áleýmettik baǵdarlamalar basqarmasy bólimderiniń birindegi basshysy tarapynan alaıaqtyq faktisin anyqtady.

«Atalǵan tulǵa atalǵan basqarmanyń qurylymdyq bólimshesiniń qyzmetkerine qatysty alaıaqtyq jasady dep kúdiktelýde. Ol 2019 jylǵy qarashada joǵary laýazymǵa taǵaıyndaýǵa járdem kórsetý syltaýymen 400 myń teńge mólsherinde qarajatyn aldap alǵan», - deıdi ol.