Pavlodar: Kúdikti sómkeniń kesirinen saýda úıinen 160 adam syrtqa shyǵaryldy
ASTANA. QazAqparat - Pavlodarda polıtseıler kúdikti sómkeniń kesirinen «Barys» saýda úıinen 160 adamdy jedel syrtqa shyǵardy, dep habarlaıdy pavlodarnews.kz.
Oblystyq ІІD-niń baspasóz qyzmeti habarlaǵandaı, beıtanys jigit saýdagerlerdiń birine sómkesin ýaqytsha tastap ketken.
«Zat ıesiniń qaıtyp oralmaýy satýshylar tarapynan kúdik týdyrǵan. Osylaısha, sómkege ózderi tıisýge qaýiptengen saýdagerler birden «102» nómirine qońyraý shalǵan. Saýda úıine jedel jetken polıtseıler arnaıy qurylǵylardyń kómegimen tekseris júrgizýdiń nátıjesinde sómkege er adamǵa tıesili kıim-keshek salynǵany belgili boldy. Kóp uzamaı oralǵan sómkeniń ıesi Ekibastuz qalasynyń 24 jastaǵy turǵyny ekeni anyqtaldy. Ol Pavlodardaǵy oqý oryndarynyń birinde sessııasyn jabýǵa arnaıy kelgenin jetkizgen. Jigitten jaýap alǵan polıtseıler stýdentti jolynan bógemedi», - deıdi baspasóz hatshysy Baıan Maǵzumova.
