Pavlodar Qorǵanys isteri departamentiniń qyzmetkeri sottaldy
Departament qyzmetkeri alaıaqtyq jolmen jeke kásipkerdiń júrgizýshisin qylmystyq quqyqbuzýshylyq jasaýǵa úgittegen. ıAǵnı áskerı qyzmetke shaqyrylýshylardy tamaqpen qamtamasyz etý ýaqytyn birneshe ret buzyp, sharttyń mindetterin durys oryndamaǵan. 36 áskerı qyzmetke shaqyrylýshyny táýliktik úsh ýaqyt tamaqpen qamtamasyz etilýge jumsalatyn qarjydan 80000 teńgeni óziniń basshylyǵyna bermek bolǵan.
Osylaısha ol jeke kásipkerdiń júrgizýshisin laýazymdy adamǵa para berýge ıtermelegen. Alaıda júrgizýshi bul týraly Pavlodar oblysynyń sybaılas jemqorlyqqa qarsy qyzmetine habarlaıdy. Keıin dámhanada sybaılas jemqorlyqqa qarsy qyzmetiniń qyzmetkerleri departament qyzmetkerin 80000 teńge aqshalaı qarajatty alyp jatqan jerinen ustaıdy.
«Sotta departament qyzmetkeri óziniń kinásin tolyǵymen moıyndap, jasaǵan qylmysy úshin ókinetinin jetkizdi. Azamattyń ústinen «Qylmysqa daıyndalý jáne qylmysqa oqtalý» jáne «Alaıaqtyq» baby boıynsha is qozǵalyp, jaýapqa tartyldy. Sot úkimimen jymqyrǵan aqshasyn on bes eselengen mólsherde aıyppul retinde tóleý týraly sheshim shyǵaryldy. ıAǵnı 1 200 000 teńge. Úkim zańdy kúshine engen joq»,-dedi Semeı garnızony áskerı sotynyń bas mamany Jamal Bekenova.