Pavlodar-Qyzylorda jolynda júrgizýshi benzın toly tsısternaǵa qulap jan tapsyrdy

PAVLODAR. KAZINFORM — Oqıǵa túngi ýaqytta bolǵan. Polıtsııa jazataıym oqıǵa boıynsha tekserý sharalaryn júrgizip jatyr.

Pavlodar-Qyzylorda avtojolynda júk kóliginiń júrgizýshisi benzın toly avtotsısternaǵa qulap, suıyq otynǵa tunshyǵyp qaza tapty.

— Jazataıym oqıǵa túngi ýaqytta Bereke jáne Tórtqudyq aýyldarynyń arasynda, 55-shi kılometrde bolǵan. MAN markaly ershikti tartqyshtyń avtotsısternasyna túsip ketken júrgizýshi kóz jumdy. Boljam boıynsha tsısternadaǵy benzınnen ydysqa quıyp almaqshy bolyp ishine eńkeıgen bolýy yqtımal. Sol ýaqytta benzın toly tsısterna ishine qulap ketken, - dep habarlady óńirlik polıtsııa departamentiniń baspasóz qyzmetinen.

Atalǵan oqıǵa kezinde tsısternaly kólikte ózge de adamdar bolǵan. Marqum benzın býyna tunshyǵyp qalǵandyqtan onyń ómirin qutqarý múmkin bolmaǵan.

Er adam Pavlodar qalasynyń turǵyny. Polıtsııa qazir jazataıym oqıǵa deregi boıynsha tekserý júrgizip jatyr.

Eske sala keteıik, Pavlodarda jantúrshigerlik jol apatynan úsh er adam qaza tapty.