Pavlodar qalasynyń turǵyny Taraz avtovokzalynda esirtkimen ustaldy
TARAZ. QazAqparat - Taraz polıtsııasy esirtki qylmysyna qarsy sharalar júrgizip jatyr, dep habarlaıdy «QazAqparat» HAA tilshisi.
Jambyl oblysy polıtsııa departamenti baspasóz qyzmetiniń habarlaýynsha, jýyrda Taraz qalasy avtovokzalynan esirtki tasymaldaýshy ustalǵan.
«Kóknár-2019» operatsııasyn júrgizý barysynda esirtki qylmysyna qarsy áreket jónindegi basqarma qyzmetkerleri quramynda esirtki bar zat tasymaldaǵan basqa qalanyń azamatyn ustady», - dedi Jambyl oblysy polıtsııa departamenti baspasóz qyzmetiniń basshysy Gúlsara Muhtarqulova.
- Esirtki zaty salynǵan sómkeni «Bava» esimdi qyzmettik tergeýshi ıt taýyp aldy. Ustalǵan azamat buǵan deıin sotty bolǵan Pavlodar qalasynyń turǵyny bolyp shyqty.
Kúdikti azamattyń sómkesin tekserý barysynda jalpy salmaǵy 21 kg 400 gramdy quraıtyn «keptirilgen marıhýana» tárkilendi. Kinásin moıyndaǵan azamat Taraz qalasyndaǵy polıtsııa basqarmasynyń ýaqytsha ustaý ızolıatoryna qamaýǵa alyndy. QR QK 296-baby, 4-tarmaǵy boıynsha sotqa deıingi tergeý amaldary júrgizilip jatyr.
