Pavlodar qalasynyń Bas josparynyń jobasy bekitildi
ASTANA. QazAqparat - Qazaqstan Respýblıkasy Úkimetiniń Qaýlysymen Pavlodar qalasynyń Bas josparynyń jobasy bekitildi, dep habarlaıdy QazAqparat tilshisi EGEMEN QAZAQSTAN basylymyna silteme jasap.
Qaýly resmı túrde jarııalanǵannan bastap kúshine engizildi. Pavlodar qalasynyń Pavlodar qalasynyń Bas jospary qala qurylysyn aımaqtarǵa bólýdi, aýmaqtyń josparly qurylymy men fýnktsıonaldyq uıymdastyrylýyn, kóliktik jáne ınjenerlik kommýnıkatsııalar júıesin, kógaldandyrý men abattandyrý júıesin belgileıtin negizgi qala qurylysynyń qujaty bolyp tabylady.
Bas jospar bastapqy jyl (2015 jyl), birinshi kezek (2022 jyl) jáne esepti merzimdegi (2032 jyl) jobalaý kezeńderinen turady.
Pavlodar qalasynyń Bas jospary aýmaqtyq damýdyń uzaq merzimdi perspektıvalaryn, sáýlet-josparlaý qurylymynyń qalyptasýyn, aýmaqtardy fýnktsıonaldy-qala qurylysy aımaqtaryna bólýdi, qyzmet kórsetý jáne jalpyqalalyq maqsattaǵy nysandardy ornalastyrý, kóshe jol jelisin jáne kóliktik qyzmet kórsetýdi, ınjenerlik ınfraqurylymdy damytý jáne taǵy sol sekildi is-sharalardy aıqyndaıdy.
Bas jospar boıynsha qalanyń búkil turǵyn-úı qoryn 9 558 sharshy metrge deıin arttyryp, 1 adamǵa 24,2 sharshy metrge jetkizý kózdelip otyr. Sondaı-aq, onda óndiristik aýmaqtardy qaıta uıymdastyrý usynylǵan. Mundaǵy maqsat - olardyń ekologııalyq qaýipsizdigin arttyrý jáne qala qurylysy áleýetin shahardyń damýy úshin tıimdi paıdalaný bolyp tabylady.
Bekitilgen Bas josparmen tolyqtaı «EGEMEN QAZAQSTAN» basylymynyń 2018 jyldyń 21 maýsymynda shyqqan sanynda tanysýǵa bolady.
