Pavlodar qalasynyń bas shyrshasy jaǵyldy
PAVLODAR. QazAqparat - Pavlodar qalasynda bıiktigi 30 metrdi quraıtyn qalanyń bas shyrshasynyń saltanatty jaǵylý rásimi ótti.
Aýa raıynyń sýyqtyǵyna qaramastan, merekelik sharaǵa kishkentaı balalardan egde jastaǵy qarııalarǵa deıin kóp jınaldy, dep habarlaıdy pavlodarnews.kz .
Jas pavlodarlyqtardy súıikti ertegilerdiń keıipkerleri fıksıkı, taýyq, ıt, Aqsha qar, Aıat Ata quttyqtap, oıyndar ótkizdi. Aıaz Atanyń sıqyrly taıaǵyn alǵan qala ákimi Nurjan Áshimbetov pen respýblıkalyq konkýrstardyń jeńimpaz oqýshylary Tamerlan Omarov jáne Marına Flıtko bas shyrshanyń ottaryn jaqty.
Aıta keteıik, bul kúni Talaspaevtar otbasynyń otaý qurǵanyna 26 jyl tolǵan eken. - 26 jyl buryn biz bir-birimizdi súıip qosyldyq. Búgin biz úshin eki ese meıram. Barlyq otandastarymyzdy kele jatqan Jańa jylmen quttyqtaımyz, - dedi ǵashyq jup.
Merekelik shara «Djem», «North East», «Just Fly» syndy hıp-hop toptarynyń bıimen jalǵasyn tapty.
