Pavlodar qalasynyń ákimi qubyrlarǵa qysylyp qalǵan buǵyny qutqarýǵa qatysty
PAVLODAR. QazAqparat - Pavlodarda qalaǵa adasyp kirgen buǵy úlken jylý qubyrlarynyń arasyna qysylyp qalǵan. Ańdy qutqarýshylar bosatyp jatqan kezde sol jerge qala ákimi de kelgen, dep habarlaıdy QazAqparat tilshisi.
«Bizde Pavlodar qalasyn sanıtarlyq tazalaý jáne abattandyrý boıynsha aılyq jarııalanǵan edi. Ákim tańerteńnen bastap qalany aralady. Alaıda ol jınalyp turǵan kóp adamdy kórip, olardyń qasyna aıaldaǵan. Oqıǵa ornynda veterınarııa, Turǵyn úı-kommýnaldyq sharýashylyǵynyń, TJ ókilderi jumys istedi», - dedi Pavlodar qalasy ákiminiń baspasóz hatshysy Gúljan Ápsálikova.
Keshke taman áleýmettik jelilerde Pavlodar kóshelerinde júrgen buǵynyń sýreti men vıdeosy taraldy. Al tańerteń janýar Lomova kóshesindegi jylý jolynyń qubyrlarynyń arasynda qysylyp qalǵan.
Keıin belgili bolǵandaı, buǵyny avtokranmen kóterip, artynan júk kóligine tıep alyp ketpekshi bolǵan. Alaıda úrikken janýardyń mańaıyna eshkimdi jolatpaǵan.
Aqyr-sońynda, TJD qyzmetkerleri ony bosatty, erkindikke shyqqan buǵy aldy-artyna qaramastan zytty.
