Pavlodar qalasynda jasóspirim 8-qabattan qulady

PAVLODAR. QazAqparat – Pavlodar qalasynda kópqabatty úıdiń terezesinen jasóspirim qulap, polıtsııa tergeýge kiristi. Bul týraly QazAqparat polisia.kz telegram kanalyna silteme jasap habarlaıdy.

22 jeltoqsanda saǵat 17:08 shamasynda Pavlodar qalasynyń polıtsııasyna «qyz bıiktikten qulady» degen shaqyrý tústi. Oqıǵa ornyna barǵan jedel-tergeý toby 2007 jyly týǵan qyz balanyń N. Nazarbaev dańǵyly 204 mekenjaıyndaǵy úıdiń 8-qabatynan qulaǵanyn anyqtady. Jaraqat alǵan jasóspirim aýrýhanaǵa jatqyzyldy. Osy fakti boıynsha Qazaqstan Respýblıkasy QK 105-babynyń 3-bólimi boıynsha sotqa deıingi tergeý bastaldy, -

delingen oblystyq polıtsııa departamentiniń baspasóz qyzmeti taratqan habarlamada.