Pavlodar qalasyna 206 adam kóship keldi
PAVLODAR. QazAqparat – Ótken jyly Pavlodar qalasyna 36 otbasy qońys aýdardy, dep habarlaıdy QazAqparat shahar ákimdigine silteme jasap.
«2017 jyldan bastap Pavlodar qalasy eńbek kúshi mol óńirlerden qonys aýdarýshylardy jáne oralmandardy qabyldaıdy. Jumyspen nátıjeli qamtýdy jáne jappaı kásipkerlikti damytý baǵdarlamasyn iske asyrý sheńberinde 2019 jyly Pavlodarǵa 36 otbasy kóship keldi. Barlyǵy 206 adam, onyń ishinde 14 otbasy – jaqyn shetelderden kelgen oralmandar. Jumys kúshiniń utqyrlyǵyn arttyrý maqsatynda jańadan kelgen pavlodarlyqtar qonys aýdarýǵa sýbsıdııa, sondaı-aq turǵyn úıdi bastapqy jaldaý shyǵyndaryn óteýge qarajat aldy», - delingen ákimdik málimetinde.
Eriktilerdiń biri - Mońǵol Halyq Respýblıkasynan Qazaqstannyń soltústigine kóship kelgen Shyńǵys Mustahın. 2015 jyldan bastap 2019 jylǵa deıin S. Toraıǵyrov atyndaǵy PMÝ kolledjinde «Munaı-gaz isi» mamandyǵy boıynsha oqydy. Oqýdy aıaqtaǵannan keıin halyqty jumyspen qamtý ortalyǵy arqyly «Nur Otan» partııasynyń fılıalyna jastar praktıkasynyń mamany retinde jumysqa ornalastyryldy. Bir jyl ishinde oǵan turǵyn úıdi jalǵa alý boıynsha shyǵyndardy óteýge sýbsıdııa túrinde qoldaý kórsetiledi. Sondaı-aq, Shyńǵys kóshýge bir jolǵy 88,4 myń teńge sýbsıdııa aldy.
Aldaǵy jyly belgilengen kvota boıynsha 108 otbasy, barlyǵy 540 adam keletini kútiledi.
Qazaqstandyqtardyń qonys aýdarýy eńbek kúshi mol oblystardan (Almaty, Jambyl, Mańǵystaý, Túrkistan, Qyzylorda), sondaı-aq Nur-Sultan jáne Shymkent qalalarynan júrgiziledi.
Atap ótilgendeı, birde-bir otbasy burynǵy turǵylyqty jerine qaıtyp oralmaǵan.
